Antas de Ulla anuncia un corte temporal de auga pola reparación da rede municipal

O servizo interromperase o 1 de decembro entre as 11:00 e as 13:00 nas parroquias afectadas

O Concello de Antas de Ulla informa dun corte programado na traída municipal que terá lugar o vindeiro luns 1 de decembro debido á necesidade de acometer unha reparación na rede de subministración. A interrupción do servizo realizarase entre as 11:00 e as 13:00.

As zonas afectadas serán Antas, Cervela, Alvidrón, Vilapoupre, Regadío, Vilane e Vilaboa. Desde o Concello solicitaron desculpas polas posibles molestias e agradeceron a colaboración da veciñanza mentres se desenvolven estes traballos imprescindibles para asegurar o correcto funcionamento do abastecemento.