Antas de Ulla organiza a súa carreira popular
LugoXa
Antas de Ulla será este mes de xuño un referente do deporte en Galicia.
21 Xuño 2024
Antas de Ulla será este mes de xuño un referente do deporte en Galicia. O Concello de Antas de Ulla acolle este mes de xuño varios eventos deportivos de diferentes modalidades. A I Carreira Popular Centro Xeográfico de Galicia en Antas de Ulla celebrarase este sábado, cunha proba de 10 quilómetros, carreiras infantís e unha andaina popular de cinco quilómetros.
Esa mesma fin de semana, en concreto do 21 ao 23 de xuño, chegará a quenda da 7ª Antas Cup – Parque Central de Galicia de fútbol 8. “Queremos impulsar as actividades deportivas con eventos que ademais serven para dinamizar o noso concello, dándolle un impulso ao sector servizos pola chegada de centos de deportistas e afeccionados”, explica a rexedora, Pilar García Porto.