Arantza Portabales presenta en Lugo a súa nova novela 'Asasinato na Casa Rosa'

O acto contará coa participación de María Fernández Mouriz, responsable do Club de Lectura Lugo, e David Cortizo, en representación da Editorial Galaxia

A escritora Arantza Portabales presentará este sábado, 15 de marzo ás 12.30 horas, a súa nova novela Asasinato na Casa Rosa na Libraría Trama de Lugo.

O acto contará coa participación de María Fernández Mouriz, responsable do Club de Lectura Lugo, e David Cortizo, en representación da Editorial Galaxia, encargada da publicación da obra.

Esta presentación forma parte da programación especial polo 75 aniversario da Editorial Galaxia, unha das editoriais de referencia da literatura galega contemporánea.

Asasinato na Casa Rosa é a nova aposta literaria de Portabales, autora consolidada no panorama narrativo galego e estatal, cunha traxectoria marcada polo éxito da súa narrativa de intriga e personaxes intensamente humanos.