Arte e Parte inicia a súa actividade en Lugo cun recital e unha exposición sobre Gaza
Lugo estrea un novo espazo dedicado á creación, á reflexión e ao intercambio cultural. Trátase de Arte e Parte, unha iniciativa que busca fomentar a análise e a experimentación nas artes visuais e na literatura, e que nace coa vontade de construír un territorio de encontro para artistas e público interesado nas prácticas contemporáneas.
A apertura celebrouse cunha exposición do creador Carlos Lago, centrada na serie GA(li)ZA, composta por retratos a pastel de nenas e nenos de Gaza, así como cun recital poético arredor do libro Cantos de dor e liberdade. Voces galegas por Palestina.
No acto participarán diversos autores implicados na obra e no seu compromiso solidario: Margarita Ledo Andión, Lois Diéguez, Eva Teixeiro, Xoán Gabeiras, Brenda Mondelo e Luz Darriba. A totalidade dos beneficios do libro destínase á UNRWA, en apoio á poboación palestina.
O evento terá lugar ás 20.00 horas no local situado na Avenida de A Coruña, 67, entrechán, onde tamén se anunciou que o espazo ofrecerá cursos sobre artes visuais e literatura desde unha perspectiva actual, profundando nos enfoques máis innovadores do panorama creativo.