As Festas de Santiago de Silva 2025, en Pol, xa teñen cartel

O xoves 24, a xornada comezará ás 13:30h coa tradicional misa solemne e a continuación haberá sesión vermú a cargo da orquestra Acordes

A parroquia de Santiago de Silva, no concello de Pol, celebrará as súas festas patronais na honra a Santiago Apóstolo os vindeiros 24 e 25 de xullo de 2025 cun programa cheo de música e tradición.

O xoves 24, a xornada comezará ás 13:30h coa tradicional misa solemne e a continuación haberá sesión vermú a cargo da orquestra Acordes. Pola noite, a verbena estará amenizada pola orquestra Acordes e o dúo Epo-K.

O venres 25, repetirase o mesmo esquema: misa solemne ás 13:30h, seguida da sesión vermú, e pola noite a festa continuará cunha gran verbena a cargo da orquestra Primera Línea, que promete facer bailar a todos os asistentes.

O evento está organizado coa colaboración de Lucus Espectáculos, empresa encargada da produción musical das festas.