As Mulleres Rurais de Pol celebrarán este ano a Cabalgata de Reis na tarde do día 4

Tomouse esta decisión de acordo co Concello, xa que o día 5 coincide en domingo

A Asociación Mulleres Rurais Olvido de Pol, xunto ao Concello, volverá ocuparse de celebrar a cabalgata de Rei, unha actividade clásica neste concello.

Dende a directiva confirmaron que se seguirá co modelo tradicional que tanto éxito ten todos os anos.

Pero nesta ocasión, a cabalgata será o día 4, ás 16.00 horas, coa súa chegada á praza do Concello, para pasar despois á recepción oficial e a parte máis esperada, a entrega de agasallos aos pequenos do municipio.

Tomouse esta decisión de acordo co Concello, xa que o día 5 coincide en domingo.

Ademais dos pequenos, os maiores do concello tamén son protagonistas este día xa que recibirán tamén a visita dos Reis Magos.