As obras na beirarrúa en República Arxentina están a piques de rematar
O tenente alcalde e concelleiro de Mobilidade e Infraestruturas, Rubén Arroxo, visitou xunto co edil de Infraestruturas Alexandre Penas a rolda da República Arxentina, onde continúa a traballarse na ampliación de beirarrúas, no treito entre Pintor Corredoira e a rúa Santiago. Rubén Arroxo explicou que "a nova beirarrúa está rematada e a día de hoxe falta só desprazar a instalación do alumeado público para garantir o paso".
A área de Mobilidade e Infraestruturas inviste 62.974,45 euros nesta actuación, que estará rematada nas vindeiras semanas. Os traballos inclúen a renovación do pavimento con baldosas de formigón, aumentando o ancho da beirarrúa, ademais da renovación da rede de sumidoiros da zona e o desprazamento da instalación de alumeado público até a nova marxe.
Rubén Arroxo afirmou que "esta intervención é necesaria para favorecer a accesibilidade das veciñas e veciños de Lugo, ao mesmo tempo que se melloran as instalacións e os servizos públicos".