As xogadoras do Emevé quedan subcampioas na Copa Raíña de Voleibol
A Copa Raíña de Voleibol, que tivo lugar esta fin de semana na cidade amurallada, deixou ao Arenal Emevé como subcampioas do torneo.
Lugo acolleu durante os días 11,12 e 13 de febreiro a competición nacional de voleibol seguindo as medidas sanitarias necesarias para que a cita fose segura para as xogadoras e o público que se achegou a desfrutar desta cita deportiva. Este campionato volveu a poñer en valor á cidade de Lugo como referente deste deporte no territorio.
O equipo lucense, Arenal Emevé chegou a final do torneo tras vencer a OSACC Haro Rioja Voley e Kiele Socuéllamos.
Foron 1600 os asistentes como público que puideron gozar do encontro final entre o Arenal Emevé e o Sanaya Libby´s La Laguna Club Voleibol Haris que rematou cunha derrota para o equipo local tras unha exhibición de xogo en equipo digno de admiración.
A entrega de premios da gran final foi presidida por Agustín Martín Santos, Presidente da RFEVB, Lara Méndez, alcaldesa do Concello de Lugo, José Ramón Lete, secretario xeral para o Deporte da Xunta de Galicia, Pablo Rivera, Vicepresidente da Deputación de Lugo, José Ángel Luna, presidente da Federación Galega de Voleibol e Edward Elliot, representante de Iberdrola.