As xornadas de Negueira centráronse onte nos estudosos da natureza
![ciencia na aldea xornadas negueira](https://lugoxa.com/wp-content/uploads/2023/04/ciencia-na-aldea-xornadas-negueira.jpg)
A divulgación científica centrou a segunda xornada de Ciencia na aldea, o encontro sobre biodiversidade e rural organizado pola área de Medio Rural da Deputación de Lugo e a Asociación Corripa no ecomuseo El País del Abeyeiro, en Negueira de Muñiz.
As ponencias do día glosario figuras pioneiras ou historicamente relevantes no estudo, conservación e divulgación da biodiversidade a nivel mundial como o cartógrafo Félix de Azara, pioneiro en documentar a biodiversidade de América do Sur; o científico Charles Darwin, que teorizou sobre a evolución das especies e a selección natural; o xeógrafo, naturista e explorador Alexander Von Humboldt, pioneiro do pensamento ecolóxico; o naturalista Carlos Linneo, que desenvolveu a nomenclatura científica de animais e plantas ou a entomóloga e ilustradora Maria Sybilla Merian.
Ademais, celebráronse dúas mesas redondas sobre divulgación e comunicación que afondaron na necesidade de trasladar a sociedade a importancia do rural para a conservación medioambiental.
As persoas asistentes disfrutaron tamén dun paseo guiado polo Xardín de Polinizadores Fernando Fueyo, un espazo dedicado a conservación e visibilización da variedade de insectos da zona.
Hoxe, na última xornada, está prevista a inauguración do Souto de Humboldt, un bosque de castiñeiros centenarios na contorna do ecomuseo de El País del Abeyeiro que a Asociación Corripa está a poñer en valor como espazo de biodiversidade e memoria con ilustracións de David Despau.