Atropelada unha muller na avenida Ramón Ferreiro en Lugo

A avenida lucense rexistrou este xoves un novo atropelo, preto do paso de peóns fronte ao Gran Hotel. A vítima foi trasladada ao Hula.

A avenida Ramón Ferreiro de Lugo volveu rexistrar na mañá deste xoves un novo atropelo. Nesta ocasión, unha muller resultou ferida de gravidade ao ser arrolada por un turismo nas proximidades do paso de peóns que hai fronte ao Gran Hotel.

A vítima foi asistida nun primeiro momento polas persoas que presenciaron o accidente, ata que os servizos sanitarios do 061 chegaron ao lugar do atropelo. Foi traslada en ambulancia ao Hula.