Attaoui e Forero impoñen o seu dominio no Cross Ponte Romana de Lugo
O Cross Ponte Romana regresou a Lugo nesta edición de 2025 cunha notable participación e un trazado que volveu poñer a proba aos mellores fondistas galegos e estatais.
A proba, disputada no entorno do Pazo de Feiras e Congresos, concluíu co triunfo de Mohamed Attaoui na categoría absoluta masculina e de María Forero na categoría feminina, converténdose ambos nos nomes propios dunha xornada deportiva que congregou numeroso público.
Tras cruzar a liña de meta, chegou o momento protocolario coa entrega de trofeos, acto no que participaron diferentes representantes institucionais.
Entre eles estiveron o tenente de alcalde de Lugo, Rubén Arroxo, e o delegado territorial da Xunta en Lugo, Javier Arias, que acompañaron ás e aos atletas premiados e puxeron en valor o apoio institucional a unha das citas atléticas máis consolidadas do calendario lucense.