Autorizado o parcelamento nas Gándaras para a fase II do polígono
A Xunta de Goberno de Lugo autorizará esta semana a concesión á Xestur dunha licenza de parcelamento no Polígono das Gándaras.
A solicitude, presentada o 14 de maio, foi resolta pola administración local “coa maior das dilixencias” para posibilitar o desenvolvemento inmediato da Fase II deste parque empresarial.
A actuación implica o segregamento, en dous predios, da denominada Unidade Funcional S -situada na rúa Juan Jacobo Durán Loriga (vial D) e Rafael Cadórniga Carro (Vial C)- cunha superficie total de 1.259.862 metros cadrados, que dará como resultado unha parcela matriz de 1.162.208 metros cadrados e outra denominada Unidade Funcional S, de 97.654 metros cadrados. Esta última dividirase, á súa vez, noutras parcelas de diferentes tamaños, e tamén en espazo dedicado a zonas verdes, prazas e viarios.
Así pois, para acadar ese obxectivo o Goberno local traballa en diferentes ámbitos, tanto a través da Estratexia Lugo Transforma, que mobiliza 12 millóns de euros na constitución dun fondo público emprendedor para atraer empresas que xeren un alto impacto social e medioambiental, como mediante outras iniciativas, da man do tecido económico e produtivo da cidade.
Por outra banda, a Xunta de Goberno Local, autorizará tamén esta semana a reforma dunha vivenda unifamiliar na rúa Codesal por 85.672 euros.