Billardeiros Musicais a gaña por riba de Troitas Bravas e de Billarda Río Miño en Penas de Rodas
Por Daniel Rodríguez Saavedra
Coa incorporación do equipo Rachaventos Billarda, a multicolor serpe da LNB segue a conquistar novos e fermosos recunchos.
Estreamos xornada no campo Gaioso de Penas de Rodas nun fermoso domingo con 89 palanadores (60 homes, 20 donas e 9 cativos) e con representantes dos equipos Cochiqueiros de Cerceda e Foucellas da Coruña.
Manu Pozo gañou a xornada acadando o primeiro pleno da tempada (25 puntos), segundo foi Sachas nun desempate con Daniel (ámbolos dous con 22 puntos).
En donas, Alba recunca no chanzo máis alto, segunda Cris (benvida de novo) e terceira é Aroa.
En infantís os mesmos da Pontenova, aínda que Mateu deixa o primeiro posto a Mateo e Diego (empatados a puntos). Tódolos infantís levaron medallas.
En equipos as boas puntuacións de Manu Pozo e Daniel empurraron os Billardeiros Musicais a gañar por riba de Troitas Bravas e de Billarda Río Miño.
Entrega de agasallos e remate da xornada agardando xa o vindeiro domingo 24 que non atoparemos de novo en Nadela.
As clasificacións quedan así:
Individual:
- Sachas (Troitas Bravas) 85 p.
- Daniel (Billardeiros Musicais) 78 p.
- Felix (Billardeiros Musicais) 73 p.
Donas:
- Alba (Troitas Bravas) 63 p.
- Geni (Billardeios Musicais) 43 p.
- Dori (Billardeios Musicais) 42 p.
Equipos:
- Troitas Bravas (A Pontenova) 312 p.
- Billardeiros Musicais (Ribadeo) 310 p.
- Carabullo (Ponte Outeiro) 271 p.
Infantís
- Diego (Madia Leva) 64 p.
- Mateu (Madia Leva) 62 p.
- Mateo (Troitas Bravas) 33 p.