Carmen Lence, nova presidenta do Consello de Administración do CB Breogán
Carmen Lence foi elixida como presidenta do Consello de Administración do CB Breogán despois de reunirse e acordar así a distribución de cargos entre os membros do consello ratificados polos accionistas na última Xunta Xeral.
Pola súa parte, Narciso Fernández foi elixido como vicepresidente, mentres que o secretario quedou designado na figura de Alfonso Orol. Pola súa parte, os vogais sserán José Antonio Díaz e a Fundación Breogán, representada por Julio González, un dos seus novos patróns.
Así mesmo, Nuria Varela-Portas e o xerente da Fundación Breogán, Salva Arco, pasan tamén a formar parte do Padroado da Fundación, e este último, ademais, intégrase na estrutura do club.
O Consello de Administración agradece a Carmen Lence, máxima accionista e patrocinadora do club coa súa marca Río de Galicia, o seu compromiso ao asumir a presidencia da entidade.