Sociedade

A orquestra Marbella chegará co seu espectáculo The Carton Tour xunto a Origen o sábado 27 de decembro de 2025

O Concello de Castroverde volverá converterse nun punto de encontro para a mocidade coa celebración da Festa da Xuventude, unha cita festiva que aposta pola música en directo e polo lecer colectivo.

O evento terá lugar o sábado 27 de decembro de 2025 e desenvolverase nunha carpa cuberta, garantindo así a celebración do espectáculo independentemente das condicións meteorolóxicas.

O cartel estará encabezado pola orquestra Marbella, que desembarcará en Castroverde co seu novo espectáculo The Carton Tour, unha montaxe renovada que combina música, escenografía e animación.

A noite completarase coa actuación da orquestra Origen, configurando unha velada pensada para todos os públicos e chamada a ser un dos grandes reclamos do inverno no municipio.