Castroverde prepárase para celebrar as súas patronais
![festas_castroverde](https://lugoxa.com/wp-content/uploads/2024/05/festas_castroverde.jpg)
![](https://lugoxa.com/wp-content/uploads/2024/07/festas_castroverde_2024.jpg)
Dende este mércores e ata o 27 de xullo Castroverde celebrará as súas festas na honra ao Santiago Apóstolo cun amplo programa no que estarán La Misión, o Grupo Extra e La Fórmula, entre outras formacións. Este mércores os asistentes poderán gozar do Grupo Cano, formación asturiana que ten como obxectivo de divertir ao público, facendo un repertorio do máis variado, combinando talento e baile. Estarán acompañados de La Misión, referente nas festas e eventos de todo España.
O seu espectáculo considerase coma o máis grande do territorio nacional, para o cal necesitan ata 5 tráilers. O día do Santiago Apóstolo haberá misa solemne e procesión a partir das 13.30 e sesión vermú con Estelamar ás 14.30. pola tarde, a partir das 19.30, actuará Mekanika Rolling Band polos bares do pobo como parte do Programa “Xunt@s polo serán” da Área de Cultura da Deputación.
Pola noite, a partir das 23.00 horas, a orquestra Estelamar amenizará a verbena, seguida por Grupo Extra, agrupación formada no ano 2007 e considerada a principal banda de bachata en Europa e que comezará a actuación ás 01.00 horas. Tamén haberá sesión de Dj con Hermo Discoteca e Cosmedeejay e Pedro Brmudzdj. O programa continúa o venres 26 con sesión vermú co Grupo Fenix ás 14.00 horas, proba de orientación ás 19.00 e actuación da charanga Fuego Streetband polos bares.
A verbena dará comezo ás 23.30 horas co Grupo Fenix e a orquestra La Fórmula. O sábado haberá pasacalles dende ás 13.00 da man de Antaruxas Sorteiros da Fonsagrada e xogos infantís ás 17.00 horas na praza do Concello. Nesta xornada, tamén celebran os cantos de taberna, dende ás 20.00 horas, con Trasdalomba, Toxo Queimado, Ariños do Neira e Os do 13.
![festas_castroverde_2024](https://lugoxa.com/wp-content/uploads/thumbs/2024/07/festas_castroverde_2024-200x282.jpg)