Celebran a II Mesa – Versión Feminina polo Día da Muller en Antas de Ulla
O Salón de Actos da Casa da Cultura de Antas de Ulla acolle esta tarde, a partir das 16.30 horas, a II Mesa – Versión Feminina, unha iniciativa organizada no marco do Día Internacional da Muller.
A actividade contará coa participación de destacadas profesionais como Noelia Solar Alonso, representante de Esencia Viva - Laboratorio de Cosmética Natural; Anjhara Gómez Rodríguez, presidenta da Asociación de Mulleres Empresarias da Provincia de Lugo; e Rosa Romero Franco, directora da Escola Politécnica Superior de Enxeñaría de Lugo.
Tras o coloquio, a partir das 17.00 horas, o público poderá gozar dun concerto de Iria Estévez, que poñerá o broche musical á xornada.
O evento, organizado polo Concello de Antas de Ulla, busca resaltar o papel das mulleres en diferentes ámbitos e fomentar a igualdade de xénero a través do diálogo e a cultura.