Celebran unha degustación de tenreira nos Ancares no aniversario do programa Mab
LugoXa
O deputado de Medio Ambiente, José Luis Raposo, participou este sábado na I Xornada de degustación da Tenreira Galega.
![desgustacion tenreira galega ancares](https://lugoxa.com/wp-content/uploads/2021/11/desgustacion-tenreira-galega-ancares.jpg)
7 Nov 2021
O deputado de Medio Ambiente, José Luis Raposo, participou este sábado na I Xornada de degustación da Tenreira Galega en San Román de Cervantes organizada pola anpa do CPI Cervantes e a cooperativa A Carqueixa.
A cita desenvolveuse no marco do programa de actividades da Deputación de Lugo con motivo do 50 aniversario do programa Home e Biosfera (Mab) da Unesco, que promove e ampara as Reservas da Biosfera, e contou cunha axuda da institución provincial de 5.600€.
No Polideportivo do centro educativo do concello ancarés tivo lugar tamén este sábado a IX Feira de Artesanía, polo que a xornada contou con obradoiros, mostras e diferentes actuacións.