Cervantes acollerá unha xornada de formación sobre a enfermidade do Alzhéimer

A formación é completamente gratuíta, pero é necesario inscribirse previamente

O próximo venres 14 de marzo, o edificio multiusos do Concello de Cervantes acollerá unha xornada de formación gratuíta sobre coidados básicos para persoas con Alzhéimer.

A sesión, que se desenvolverá de 16.30 a 19.30 horas, está dirixida a todas as persoas interesadas en aprender sobre o coidado de persoas con esta enfermidade.

A formación é completamente gratuíta, pero é necesario inscribirse previamente. As persoas que desexen participar poden facelo chamando ao teléfono do Concello de Cervantes, 982 364 904.

Esta iniciativa busca ofrecer ferramentas e coñecementos útiles para o coidado de quen padecen Alzhéimer, mellorando a súa calidade de vida e a de familiares e coidadores.