Coeses celebra as súas festas con Combo Dominicano, Suavecito e Dinastía

A parroquia de Coeses presenta o cartel das súas festas na honra a Santa María Magdalena que celebrarán con churrascada popular, sesións vermú e verbenas

Foto recurso

A parroquia de Coeses celebra as súas festas na honra a Santa María Magdalena do 19 ao 21 de xullo. A romaría arranca o venres 19 ás 22.30 horas con churrascada popular seguida de vebena da man de Suavecito. O sábado haberá misa solemne a partir das 13.30 horas, procesión e sesión vermú coa orquestra Super Top.

Esta formación tamén amenizará a festa pola noite, xunto co Combo Dominicano. O último día, o domingo 21, os asistentes contarán con misa solemne, sesión vermú e verbena coa orquestra Dinastía.