Comeza o programa da UNED Sénior en Lugo
A UNED de Lugo deu esta semana a benvida ao seu alumnado sénior, que inicia a súa formación no centro cunha gran acollida.
A directora, Ana Belén Traseira Pena, destacou a importancia do envellecemento activo e o valor da aprendizaxe continua para o benestar e o desenvolvemento persoal.
Na primeira xornada, o alumnado comezou as clases de Informática, impartidas polo enxeñeiro informático José Luis Somoza Amado.
Na segunda, será a quenda da materia Comezando a coñecer a Historia da Arte, a cargo da licenciada Raquel Iglesias, que aínda dispón de prazas para novas inscricións.
Ademais, en dúas semanas, os días 10 e 11 de marzo, incorporarase o alumnado das materias de Inglés Básico e Inglés Intermedio, con clases impartidas por Cristina Pereira Pinto.
A UNED de Lugo celebra a excelente resposta do alumnado, xa que todas as prazas ofertadas están cubertas, salvo na materia de Historia da Arte, onde aínda é posible anotarse.