Comezan as festas de Santa Comba, en Lugo
Santa Comba, en Lugo, celebra as súas festas na honra a San Pedro e San Román os días 23, 24, 25 e 26 de agosto. O venres haberá pinchos a partir das 22.00 horas no campo da festa no que actuará o Dúo Elixir. O programa continúa o sábado co partido presentación da nova tempada no campo Tras de Novo da SCD Santa Comba.
A verbena comezará ás 23.45 horas e está amenizada polo grupo Tania Veiras. O programa continúa o día 25 con misa seguida de sesión vermú da man da orquestra Escaparate. A partir das 22.30 horas haberá verbena con Escaparate e Trébol.
O luns haberá de novo misa e sesión vemrú co grupo Punto Clave e, xa pola tarde, a partir das 18.30 horas, organizarán xogos para todos os nenos. Á noite actuarán o grupo Punto Clave e a orquestra Fania Blanco Show.
