Comezan as festas en Villartelín, en Baralla
![festas-fogos-artificiais-celebracion](https://lugoxa.com/wp-content/uploads/2024/05/festas-fogos-artificiais-celebracion.jpg)
![](https://lugoxa.com/wp-content/uploads/2024/08/festas_vilartelin_baralla.jpg)
Villartelín, parroquia do concello de Baralla, celebra as súas festas este mes de agosto. A romaría comeza este mércores e contará con sesións vermú, verbenas e churrascada veciñal. A cita comeza este mércores ás 13.00 horas con misa solemne e procesión amenizada por Manuel e o seu acordeón. Virá seguida da sesión vermú da man do grupo Tapyoka.
O xoves 15 continúa o programa tamén ás 13.00 horas con misa solemne, procesión e sesión vermú amenizada de novo por Manuel e o seu acordeón. A gastronomía será a estrela desta xornada que funcionará como broche de ouro a unha nova edición das festas desta parroquia. Os veciños poderán gozar e degustar unha churrascada a partir das 15.00 horas. Ao rematar a comida, haberá baile co Manuel e o seu Acordeón.
![festas_vilartelín_baralla](https://lugoxa.com/wp-content/uploads/thumbs/2024/08/festas_vilartelin_baralla-200x223.jpg)