Continúa o Festival de Música Cidade de Lugo coa actuación do pianista François Dumont
Continúa o programa da 51ª edición do decano dos festivais galegos e un dos máis antigos do estado, o Festival de Música Cidade de Lugo 2024. Este martes, actúa no Círculo das Artes, a partir das 20.30 horas, o pianista francés François Dumont. A súa carreira internacional comezou cos seus premios nos Concursos Internacionais de Piano Chopin, Queen Elisabeth, Clara Haskil e Monte Carlo.
Entre os seus recentes compromisos destacar que François acaba de debutar no mítico Musikverein de Viena. As súas actuacións máis relevantes desta tempada incluirán a interpretación de Totentanz de Liszt coa orquestra National de France, dirixida por François-Xavier Roth e un programa de Chopin no Teatro dos Campos Elíseos de París. Leonard Slatkin elixiu a Dumont como solista para gravar os dous Concertos para piano de Ravel coa Orquestra Nacional de Lyon, que foi editado no selo Naxos con grande aclamación por parte da crítica.
Nacido en Lyon, estudou con Pascale Imbert, Chrystel Saussac e Hervé Billaut. Ata que aos catorce anos ingresou no Conservatorio Nacional Superior de Música de París e estudou con Bruno Rigutto. Posteriormente estudou no prestixioso Instituto Internacional de Piano Academy Lake Como e a Fundación Lieven Piano con artistas como Dmitri Bashkirov, Leon Fleisher, Murray Perahia, Fou Ts’ong e William Grant Naboré. François Dumont é profesor de piano na Haute-Ecole de Musique de Xenebra / Neuchâtel, e é invitado regularmente a clases maxistrais en Europa e Xapón.
Programa:
31 de maio - Círculo das Artes - 20:30 h
La Guirlande
Alicia Amo, soprano
Cristal Bello
Músicas ao divino na España e o México virreinal do século XVIII
1 de xuño - Círculo das Artes - 20:30 h
Orquestra Sinfónica Vigo 430
Jonian Ilias Kadesha, violín e dirección
Paixón. Concertos e sinfonías. (Mozart, Vivaldi, Mendelssohn e Haydn)