Cortan o tráfico na LU-P-0301 en Antas de Ulla por obras de acondicionamento

Para minimizar as molestias aos usuarios da vía, habilitaranse desvíos alternativos, que estarán debidamente sinalizados

A Deputación de Lugo informa de que a partir de hoxe, 2 de abril, e ata finais da vindeira semana, quedará cortado ao tráfico un tramo da estrada LU-P-0301, en Antas de Ulla.

O corte producirase entre os puntos quilométricos 0,390 e 3,657 debido aos traballos de extendido de aglomerado en quente para o acondicionamento do acceso ao Parque Central de Galicia.

Para minimizar as molestias aos usuarios da vía, habilitaranse desvíos alternativos, que estarán debidamente sinalizados.

A Deputación de Lugo solicita precaución aos condutores que circulen pola zona e agradece a súa colaboración durante o desenvolvemento das obras.