Cristina López participa en Madrid no encontro da Asociación de Funerarias Municipais
A concelleira de Participación representa a Lugo na asociación que agrupa aos cemiterios municipais de maior relevancia do estado.
Cristina López, concelleira de Participación e Servizos á Veciñanza, participou na Xornada de Consultas sobre Dereito Funerario, Xestión de Cemiterios, Cremación, Mantemento e Xestión do Patrimonio e Diversidade Relixiosa organizada pola Asociación de Cemiterios e Entidades Funerarias Municipais. A concelleira de Participación representou ao cemiterio de Lugo na asociación que agrupa aos cemiterios municipais con maior relevancia de todo o estado.
Na xornada, aberta a cemiterios e entidades funerarias do ámbito estatal, traballouse nivel técnico en cuestións como a xestión cultural, patrimonial, e de diversidade relixiosa se suceden na xestión diaria dos cemiterios, nos que ademais cómpre conxugar os requerimentos legais coas demandas da veciñanza en temas nos que o aspecto emocional ten un maior peso e constitúe un elemento de valor a considerar nesta xestión pública.
Cristina López mantivo un encontro co presidente da asociación, Miquel Trepat, e cos xerentes dos cemiterios municipais de Madrid e de Cádiz, Fernando Sánchez e Luís Ferrer.
A edil de Participación promocionou as actividades executadas nos últimos meses no Cemiterio, como o novo espazo perinatal ou a exposición permanente sobre as instalacións funerarias.