Dani Vidal, novo xogador do Lugo

O CD Lugo e Dani Vidal chegaron a un acordo para a incorporación deste último como novo xogador do primeiro equipo da entidade

O CD Lugo e Dani Vidal chegaron a un acordo para a incorporación deste último como novo xogador do primeiro equipo da entidade. Vidal (Lugo, 2000) desempéñase como centrocampista, e volve a casa tras unha frutífera experiencia no Coruxo FC, co que disputou  un total de 31 partidos.

O xogador lucense, criado no fútbol-basee albivermello desde categoría infantil, e que chegou a debutar co primeiro equipo na tempada 2020/21 á idade de 20 anos, completa o círculo retornando ao equipo da súa cidade para formar parte do primeiro persoal do club. Dani Vidal asina por unha tempada, máis outra opcional, e a data da súa presentación será anunciada proximamente.