Demostracións, degustacións e música na Feira de Artesanía e Gastronomía de Castroverde
![feira_gastronomia_castroverde](https://lugoxa.com/wp-content/uploads/2024/07/feira_gastronomia_castroverde.jpg)
![](https://lugoxa.com/wp-content/uploads/2024/07/programa_feira_artesania_castroverde.jpg)
As pezas artesanais e a gastronomía volverán a ser protagonistas en Castroverde. O municipio prepara unha nova edición da Feira de Artesanía e Gastronomía que chega a súa décimo sétima convocatoria. Será o 18 de agosto no recinto feiral e haberá demostracións de oficios tradicionais, degustacións de produtos gastronómicos e actuación musicais.
O programa arranca ás 10.00 horas coa apertura da feira para dar paso a unha concentración de motos e coches clásicos. Xa ás 11.30 darán comezo a demostración de elaboración de esculturas de madeira da man de Eugenio Linares e Marcos Ladra. A feira inaugurarase ás 12.00 horas e contarán coa actuación de Zuncurrundullo e da Falcatrueiros.
O pregón virá da man de Nicolás Susena Presas, párroco no concello. Posteriormente, actuará a charanga Louband e os asistentes desfrutarán dun xantar típico galego. Pola tarde os cativos poderán gozar de festa de inchables nas piscinas. Ademais haberá máis música e actuación e representación teatrais a partir das 18.30 horas, tamén nas piscinas.
O circo a cargo de Sempre Arriba tamén achegará a Castroverde o seu espectáculo Hoxe sí e tamén haberá unha actuación de maxia con Ian e Elisa que amosarán o seu espectáculo Maxia sen trucos na Praza do concello ás 20.30 horas.
![programa_feira_artesanía_castroverde](https://lugoxa.com/wp-content/uploads/thumbs/2024/07/programa_feira_artesania_castroverde-200x141.jpg)