Distintas demostracións participativas protagonizan o Mercado de Nadal da Deputación de Lugo

As demostracións permiten ver o proceso de elaboración dos produtos que venden ou elaborar pezas propias seguindo as súas técnicas

O Mercado de Nadal organizado pola Vicepresidencia da Deputación de Lugo abre as súas portas, ofrecendo unha ampla variedade de produtos artesáns nos postos instalados na Praza de San Marcos, cunha ducia de obradoiros de artesanía e alimentación.

Estes son Ceniza de papel, Bolboretas de Coiro, Otero Regal, Enxógate, La Bellota Mágica, Senda Coiro, Tres Caracoles, Amigurumis Jano, Fonte Meimil, A Sariña Maquinando, Cunqueiro e Mel Toxalriba.

Pezas de cerámica, xoguetes feitos a man, complementos e outros obxectos elaborados con coiro e mel forman a oferta do Mercado de Nadal, que ofrece a firmas de artesanía lucense a posibilidade de amosar e vender a pé de rúa os seus produtos durante estas datas.

O Mercado incorpora este ano unha axenda de demostracións que ofrece a posiblidade de coñecer de primeira man, xunto ás artesás e artesáns do Mercado, o proceso de elaboración dos produtos que venden ou elaborar pezas propias seguindo as súas técnicas. As actividades realízanse en horario de tarde, das 17.00 a 20.00 horas, con participación aberta e gratuíta.

O vicepresidente da Deputación e deputado de Artesanía e Deseño, Efrén Castro; o tenente alcalde de Lugo, Rubén Arroxo, e as concelleiras Maite Ferreiro, Cristina Lopez e Álex Penas percorreron os postos instalados en San Marcos e convidaron a lucenses e visitantes “a achegarse ata o Mercado de Nadal e agasallar produtos artesáns, que son garantía de calidade das materias primas e dedicación no proceso de elaboración, ademais de repercutir directamente na economía de firmas artesáns da provincia” e “a participar nas demostracións que os artesáns e artesáns realizan durante estes días para dar a coñecer o seu traballo polo miúdo".

O Mercado de Nadal estará aberto ata o 4 de xaneiro na Praza de San Marcos en horario de 11 a 14 horas pola mañá, e de 17 a 21 horas de tarde, agás os días de Noiteboa e Fin de Ano que remata ás 19.00 horas.

DEMOSTRACIÓNS PARTICIPATIVAS

• 20 de decembro. Obradoiro de cerámica con CINZA DE PAPEL (M.a Josefa Sánchez Castedo). Elaboración de adornos cerámicos do nadal utilizando diferentes técnicas.
• 21 de decembro. Obradoiro de coiro con TRES CARACOLES (Ana Novo Barreiro). Elaboración de follas de coiro previamente cortadas e tinguidas para que ou público asistente realice o acabado final dos nervios dá folla. As persoas asistentes poderán ver o proceso completo do tinguido
• 22 de decembro. Demostración de torneado con CUNQUEIRO (Hussein Aali- Taleb). O artesán mostrará as técnicas de torneado, dando forma a diferentes pezas.
• 23 de decembro. Obradoiro de autómatas de madeira con ENXOGATE (Antonio Fernández Vicente). As persoas asistentes aprenderán a facer a seu propio autómata con materiais sinxelos que permitan espertar a creatividade do asistente.
• 26 de decembro. Obradoiro de coiro con BOLBORETA DE COIRO (Mercedes Buján Paredes). Elaboración de diferentes trenzados para aplicar en pulseiras, coares, chaveiros e outros obxectos.
• 27 de decembro. Demostración de cantería con Jose Luis López Rodríguez. As persoas asistentes poderán contemplar ou proceso meticuloso, a precisión e a paciencia do canteiro, primeiro seleccionando a pedra para despois proceder a ou seu tallado.
• 29 de decembro. Obradoiro de coiro con SENDA COIRO E METAL (Adriana Romaní Posse). As persoas participantes poderán elaborar distintas peciñas en coiro como pulseiras, marcapáxinas ou unha bolsita xudas.
• 30 de decembro. Obradoiro de cerámica con LA BELLOTA MÁGICA (Inmaculada Díaz Cabado). As persoas participantes poderán explorar a súa creatividade co barro e modelar unha pequena peza de modelado cas súas propias mans.
• 2 de xaneiro. Apicultura e cata de mel con MEL TOXALRIBA (Manuel Tejedo Méndez). Este produtor de mel dos Ancares explicará ás persoas asistentes como recoñecer as características do noso mel a través do sentidos.
• 3 de xaneiro. Obradoiro de cerámica con OTERO REGAL (Alfonso Otero Regall). As persoas asistentes poderán observar o manexo do pincel para a decoración de pezas e poderán decorar unha propia.
• 4 de xaneiro. Obradoiro de coiro con FONTE MEIMIL (Ester Díaz Vidal). As persoas participantes poderán fabricar diferentes adornos do nadal en coiro.