Eliminados dous puntos de vertido no concello de Antas de Ulla

A Xunta elmina, no concello de Antas de Ulla, dous vertidos que detectaron no marco dunhas labores rutineiras.

casa concello antas de ulla

Os técnicos do Plan de Control de Vertidos, dependente de Augas de Galicia, detectaron o foco no marco dunhas labores rutineiras que se realizan no mencionado municipio para o control e seguimento dos puntos de vertido existentes. A orixe do foco proviña dunha rede de pluviais con aportes contaminantes e vertido por infiltración no terreo, así como da existencia dunha fenda nunha condución da rede de saneamento.

O Concello de Antas de Ulla informou da emenda de ambos puntos, e tras unha nova inspección xirada á zona, os técnicos de Augas de Galicia comprobaron a conexión á rede de saneamento da rede de pluviais e a emenda da fenda da condución, quedando eliminados os dous vertidos.