Entregados os premios do Recitado de Poesía Rosalía Sempre Viva da Casa Manuel María
Foron entregados os premios do Certame de Recitado de Poesía Rosalía Sempre Viva, convocado pola Casa Museo Manuel María.
O evento tivo lugar na fase final do certame, celebrada no centro cultural de Outeiro, no que máis de medio cento de alumnos e alumnas de diferentes centros de ensino de toda Galicia participaron recitando poesía. As obras recitadas foron escollidas libremente entre a produción poética de Rosalía de Castro ou de Manuel María.
Durante a cerimonia de entrega de galardóns, a deputada de Cultura felicitou a todos os participantes, destacando o seu talento e a súa implicación no certame. Tamén agradeceu ao profesorado e ás familias o seu compromiso, sen o cal, dixo, non sería posible levar adiante esta iniciativa.
A responsable de Cultura tamén tivo palabras de recoñecemento para a Casa Museo Manuel María, salientando o seu labor na dinamización cultural da comarca e o seu esforzo por achegar a obra de Manuel María e a literatura galega ás novas xeracións, asegurando que este tipo de iniciativas son fundamentais para manter viva a nosa tradición literaria e cultural.