Estanse realizando labores de mantemento da A-6, entre os quilómetros 450 e 455
O Ministerio de Transportes e Movilidad Sostible vai executar actuacións de reparación do firme en tramos puntuais da A-6, entre os quilómetros 450 e 455, na calzada sentido A Coruña, no termo municipal de Becerreá.
As obras desenvolveranse en horario diúrno, co fresado do firme existente e a extensión posterior de mesturas bituminosas en quente. En aras de garantir a seguridade dos traballadores e usuarios, produciranse afectacións ao tráfico.
Así, serán durante o mércores, 4 de decembro, desde as 08.00 ás 18.00 horas; e durante o xoves, 5 de decembro, desde as 08.00 ata as 13.00 horas.
Produciranse cortes de carril na calzada dereita da A-6, segundo as necesidades e o avance dos traballos. Lémbrase a importancia de respectar a sinalización provisional das obras e as limitacións de velocidade para garantir a seguridade de traballadores e usuarios.
Esta actuación forma parte dos programas de conservación e mantemento da Rede de Estradas do Estado, a través dos cales o Ministerio investiu na provincia de Lugo máis de 139 millóns de euros desde xuño de 2018.