Estudantes do IES Trapero Pardo de Castro de Rei visitaron o centro de loita contra incendios
O director xeral de Defensa do Monte da Consellería do Medio Rural, Manuel Francisco, recibiu esta mañá no Centro de Coordinación Central (CCC) de loita contra os incendios forestais a visita dun grupo de alumnos do IES da Terra Chá, José Trapero Pardo, situado na localidade lucense de Castro de Rei.
En concreto, tratouse de alumnado do Ciclo Medio de Aproveitamento e Conservación do Medio Natural e do Ciclo Superior de Xestión Forestal e do Medio Natural deste centro.
O director xeral explicou aos estudantes o funcionamento e as dotacións destas instalacións, desde as que se coordinan diferentes aspectos relacionados coa prevención e extinción do lume, en estreito contacto cos catro centros de coordinación das provincias e os dezanove dos respectivos distritos forestais.