Exposto ao público o Plan de Ordenación de Predios en Viladonga
O Plan de Ordenación de Predios de Especial Vocación Agraria (POPEVA) de Viladonga, Castro de Rei, vinculado á reestruturación parcelaria da zona, xa se atopa en fase de exposición pública. Segundo establece o artigo 21 da Lei 4/2015, do 17 de xuño, a incorporación a este plan será de carácter voluntario.
O prazo para consultar o documento e solicitar a integración provisional permanecerá aberto ata o 17 de xullo de 2025. Durante este período, a veciñanza poderá presentar alegacións dirixidas ao Servizo de Infraestruturas Agrarias de Lugo.
A documentación pode consultarse tanto na páxina web da Consellería do Medio Rural como na do Concello de Castro de Rei. Ademais, está dispoñible un canal de WhatsApp coas últimas novidades, ao que se pode acceder a través dun código QR incluído no cartel informativo.
Para máis información, as persoas interesadas poden contactar co Servizo de Infraestruturas Agrarias de Lugo nos teléfonos 982 294 497 ou 982 294 493.