Filme Castro estrea unha curtametraxe especial polo 8M en Castro Ribeiras de Lea

Terá lugar este venres 7 de marzo ás 21:15 horas na Casa da Cultura

Co gallo do Día Internacional da Muller, o Concello de Castro de Rei encargou a Filme Castro a creación dun curtametraxe especial para conmemorar esta data tan relevante. A estrea terá lugar este venres 7 de marzo ás 21:15 horas na Casa da Cultura de Castro Ribeiras de Lea.

Dende a organización avanzan que pronto se compartirán máis detalles sobre este traballo audiovisual. Anímase á veciñanza a participar nesta iniciativa, que busca poñer en valor o papel fundamental das mulleres na sociedade.