Fin de semana redonda para o CD Dez Portas TM Lugo, que consolida o liderado en Primeira División
O CD Dez Portas TM Lugo viviu unha fin de semana perfecta, cun pleno de vitorias nos catro equipos que competiron nas distintas ligas nacionais e galegas.
Na Primeira División Nacional, coñecida como a Liga de Bronce do tenis de mesa español, o CD Dez Portas Restaurante Carlos impúxose por 4-2 ao Oroso TM Madeiras Irmáns Castros, sumando así a súa cuarta vitoria consecutiva. Con este resultado, o conxunto lucense mantense invicto e sitúase no terceiro posto da clasificación con 8 puntos, empatado con outros tres equipos e a só dous do liderado.
Na Segunda División Nacional, o CD Dez Portas Contafis Todoxestión venceu a domicilio ao Tijeritas La Pelu de Sixto por 2-4, prolongando a súa boa dinámica competitiva. Tamén houbo triunfo en Terceira División Nacional, onde o CD Dez Portas Caixa Rural Galega superou por 3-2 ao Club Lucus TM nun emocionante derbi lucense decidido nos últimos puntos.
A xornada completouse coa vitoria do CD Dez Portas Goce Viajes en Primeira División Galega, que gañou por 1-4 ao Nautalia Viajes, rubricando así un fin de semana impecable para a entidade.
Foron catro triunfos que reflicten o gran traballo, o compromiso e a ilusión de xogadores e adestradores, consolidando ao CD Dez Portas TM Lugo como unha das principais referencias do tenis de mesa galego e nacional.