Goberno acolle o día 17 a I Xuntanza da Amizade

O campo da festa de Goberno, en Castro de Rei, acollerá o día 17 de maio a primeira edición da Xuntanza da Amizade, organizada pola asociación veciña, sociocultural e medioambiental.

O campo da festa de Goberno, en Castro de Rei, acollerá o día 17 de maio a primeira edición da Xuntanza da Amizade, organizada pola asociación veciña, sociocultural e medioambiental.

Esta dará comezo ás 14.00 horas coa benvida aos asistentes ao cargo do dúo Estrellas, formado polos irmáns Fanego. A continuación terá lugar o xantar popular, no que, a un prezo de 30 euros, degustarase empanada, xamón cocido, paella, sobremesa, bebida, café e licor.

Pola tarde haberá máis música co dúo Estrellas e xogos populares con monitor para a cativada.