Gontá prepárase para as súas grandes festas na honra á Virxe da Saúde do 5 ao 7 de setembro
A parroquia de Gontá, en Palas de Rei, celebrará as súas tradicionais festas na honra á Virxe da Saúde entre os días 5 e 7 de setembro cun amplo programa relixioso e musical.
O xoves 5 abrirase a programación coa primeira verbena, que contará co Trío Manhattan, o Grupo Alba e o DJ Patakiña.
O venres 6, día central das festas, terá lugar a misa solemne e procesión ás 13:00 horas acompañada dun grupo de gaitas. Pola tarde haberá sesión vermú co Grupo Pekados e, xa pola noite, a verbena continuará co Dúo Trasnos, o Grupo Pekados e o DJ Patakiña.
O sábado 7 a celebración iniciarase de novo cunha misa solemne ás 13:00 horas e procesión con gaitas. A sesión vermú correrá a cargo do Dúo Reflexos e, a partir das 18:00 horas, haberá un tardeo coa música do Dúo Reflexos e Nanny Romero.
Ademais, entre as 18:00 e as 20:00 horas, os máis pequenos poderán gozar de colchonetas de balde.