Guntín celebra a segunda edición da Carreira Popular
O Concello de Guntín organiza a II Carreira Popular, unha xornada deportiva que se desenvolve con saída desde o Pavillón de Deportes. A actividade comeza coa II Andaina Concello de Guntín, cun percorrido de 2.900 metros, seguida de varias carreiras adaptadas ás distintas idades dos participantes.
As carreiras arrancan coa categoría infantil para nados e nadas ata 2018, cun percorrido de 200 metros, continúan coa categoría ata 2014 (800 metros), e coa carreira de 2.900 metros para nados entre 2013 e 2010. Finalmente, celebrarase a carreira absoluta, con 6.500 metros de distancia, na que poden participar persoas de todas as idades interesadas en completar o percorrido máis longo.
A cita deportiva busca fomentar a práctica deportiva, a convivencia e a participación da veciñanza, converténdose nun evento consolidado no calendario deportivo do municipio.