Gustavo Santiago e Mónica Nieves lideraron o memorial de Rábade
Gustavo Santiago e Mónica Nieves foron os gañadores da carreira absoluta do XXI Memorial Eduardo Fernández Villamarín que se celebrou en Rábade e que reuniu a preto de 600 atletas.
A proba, que constaba de 7 quiolómetros, foi completada por Gustavo Santiago en 20,21 minutos. Xunto a el estiveron no podio Anxo Castro e Antón Gómez.
Na feminina, Mónica Nieves parou o crono en 24,48 minutos, precedendo a Andrea Iglesias e Patricia Varela.
Nas categorías de menores, o grupo xuvenil estivo gobernado por Aarón Crende, Samuel Fernández e Ángel López na masculina, así como Lucía Cando, Eugenia Vérez e Claudia Morán, na feminina.
No segundo grupo, entre os nados entre 2012 e 2015, o gañador foi Mateo Cupeiro, seguido de Sergio Coira. Na feminina gañaron Lara López e Daniela Mourín.
Completaron o podio Nicolás Mourín e Gabriela López entre os máis novos.
Este memorial, que celebrou a XXI edición contou coa participación do fillo do homenaxeado, Óscar Fernández, que fixo a entrega de premios xunto á alcaldesa, Reme González, e o concelleiro Carlos González. A familia recibiu un agasallo como recordo a este atleta local.