Inaugurada a XIX edición do Salón do Automóbil de Lugo no Pazo de Feiras e Congresos
LugoXa
A subdelegada do Goberno percorreu os espazos do salón e destacou a importancia do evento para a economía local
6 Mar 2026
A XIX edición do Salón do Automóbil de Lugo abriu as súas portas no Pazo de Feiras e Congresos da cidade, consolidándose como un dos principais escaparates do motor na provincia.
Durante o acto inaugural, a subdelegada do Goberno en Lugo, Olimpia López Rodríguez, percorreu os distintos espazos do salón, onde puido coñecer de primeira man as novidades presentadas polas empresas do sector participantes nesta cita.
O evento reúne durante estes días concesionarios e profesionais do ámbito automobilístico, ofrecendo ao público a oportunidade de descubrir as últimas propostas do mercado. Olimpia López subliñou a relevancia deste tipo de iniciativas para dinamizar a actividade económica e comercial de Lugo e a súa provincia.