Inma Núñez presenta en Lugo o seu libro 'Unha casa onde vivir', Premio Fiz Vergara Vilariño

A poeta estará acompañada por Marga do Val e María Casar na Librería Trama este xoves 22 de maio ás 19:00 horas

Lugo acollerá este xoves, 22 de maio, a presentación do libro Unha casa onde vivir, da autora Inma Núñez, gañadora do XXIII Premio Fiz Vergara Vilariño de poesía.

O acto terá lugar ás 19:00 horas na Librería Trama e contará coa participación das escritoras Marga do Val e María Casar, que acompañarán á autora nun encontro pensado para compartir poesía e reflexión arredor da creación literaria.

A obra, publicada pola editorial Espiral Maior, afonda na procura dun espazo íntimo e simbólico onde habitar a palabra e a memoria, nun exercicio poético que conquistou o xurado dun dos galardóns máis recoñecidos da poesía galega contemporánea.