Lideira ofrece un concerto este sábado na Casa Museo de Manuel María

Este proxecto, nado a finais de 2023, presentará unha proposta cun son moi persoal das nosas músicas de tradición oral

Lideira, o trío capitaneado polo músico Gabi Reboredo (voz e percusión), unha das voces máis interesantes da música tradicional galega, estará este sábado, 29 de novembro, ás 20 horas na Casa-Museo Manuel María. O músico carballiñés estará acompañado no escenario por Lois Prado (saxofón tenor e sintetizador) e Sara Méndez (saxofón soprano).

Este proxecto, nado a finais de 2023, presentará unha proposta cun son moi persoal das nosas músicas de tradición oral. Son, este, procurado a través da mestura de instrumentos de vento, percusións de man, voz e outras fantasías.

Para asistir ao concerto deste sábado é necesario reservar (billete 5 euros) en contacto@casamuseomanuelmaria.gal ou no whatsapp 698177621)