Lugo acolle a novena edición das xornadas ‘Cultura e tradición no Camiño’ organizadas por Traxandaina
A novena edición das xornadas Cultura e tradición no Camiño, unha iniciativa impulsada polo Grupo Etnográfico Traxandaina co apoio do Goberno galego, está a desenvolverse en Lugo.
O programa arrancou cun obradoiro de cestaría e coa participación de representantes da asociación de teitadores de Piornedo, que compartiron o seu coñecemento sobre esta técnica tradicional.
Ademais, estivo marcada pola celebración do primeiro Filan-doiro San Froilán, un encontro no que diversos expertos afondaron na historia e na influencia do santo tanto na cidade de Lugo como en León.
As actividades continuarán ata o sábado 11 de outubro na Oficina de Turismo e no Centro de Interpretación do Camiño da Xunta, situados no barrio da Tinería.
O calendario inclúe unha exposición de corozas, colchas e traxes tradicionais, así como varios obradoiros artesáns nos que tomarán parte usuarios de centros de maiores e alumnado de diferentes centros educativos, co obxectivo de fomentar o coñecemento e a preservación das tradicións galegas.