Lugo acolle o Campionato Galego de Billar Pool individual
![campionato billar pool individual portada](https://lugoxa.com/wp-content/uploads/2023/08/campionato-billar-pool-individual-portada.jpg)
O delegado territorial da Xunta en Lugo, Javier Arias, acompañado de membros da Asociación Galega de Billar Pool, presentaron o XXXI Campionato Galego Billar Pool Individual que se disputará desde o venres 1 ao domingo 3 de setembro no Pazo de Feiras de Lugo.
Este evento será o colofón das competicións de toda a temporada no que se darán cita os mellores tacos galegos para decidir quen acadará o título autonómico de entre as dez categorías individuais. Os catro mellores de cada modalidade repartiranse ata 8.000 euros en premios ademais dos trofeos.
Arias destacou o éxito que supuxo acoller no mes de xuño os certames mundiais deste deporte, que achegaron a centos de xogadores da élite mundial e que supuxo unha gran repercusión económica e mediática para a cidade. Para este fin de semana agárdase que pasen polo Pazo de Feiras máis de 600 participantes das 4 provincias galegas.
![campionato billar pool individual](https://lugoxa.com/wp-content/uploads/thumbs/2023/08/campionato-billar-pool-individual-200x143.jpg)