Lugo acolle o IV Torneo Cidade de Lugo Ximnasia Rítmica este sábado
O IV Torneo Cidade de Lugo de Ximnasia Rítmica terá lugar este sábado 15 de marzo no Pavillón Municipal dos Deportes de Lugo. Organizado polo club Gravitty, o evento reunirá ximnastas de diversas categorías, desde benxamín ata sénior.
A xornada contará coa presenza da ximnasta olímpica Almudena Cid, que participará nas competicións pola mañá e pola tarde ofrecerá unha masterclass para os asistentes. Un gran atractivo para os afeccionados e deportistas da zona, que poderán aprender dunha das grandes figuras da ximnasia rítmica.
No acto de presentación estiveron presentes representantes da escola Gravitty e doutros organismos e entidades implicadas na organización do evento.
Entre eles, o delegado territorial da Xunta, Javier Arias, destacou a colaboración da Administración galega neste evento, que está incluído no calendario oficial da Federación Galega de Ximnasia. Arias subliñou que “este torneo contribúe a reforzar a Lugo como referente nesta modalidade deportiva e ofrece, ademais, unha experiencia única aos ximnastas participantes”.