Lugo Monumental inaugura a SECAL 2025 cunha charla sobre Eloy Maquieira
A Asociación Lugo Monumental presenta hoxe, xoves 4 de decembro, a Semana de Exaltación da Cultura e da Arte de Lugo (SECAL 2025), unha edición dedicada ao arquitecto Eloy Maquieira. O acto terá lugar ás 20:30 horas no Instituto Xoán Montes, edificio deseñado polo propio Maquieira, e incluirá unha conferencia impartida polo arquitecto Santiago Catalán sobre a figura e a traxectoria do homenaxeado.
A SECAL tomará forma grazas á colaboración de 19 establecementos do casco histórico, que acollerán de maneira gratuíta as creacións doutros tantos artistas locais. A maioría das pezas estarán dispoñibles para a súa venda directa, xestionada polos propios autores sen intermediación nin da Asociación nin dos negocios participantes.
Como vén sendo habitual, o programa da SECAL integrará tamén visitas culturais á Catedral de Lugo e ao Museo Provincial, actividade posible grazas ao apoio da Diocese e da área de Cultura da Deputación de Lugo.