Lugo Monumental organiza un Outlet de fin de tempada
A Asociación Lugo Monumental organiza un Outlet de fin de tempada que terá lugar este xoves e venres, aproveitando a cambiante climatoloxía desta época.
En lugar de realizar o evento nas tradicionais rúas do centro, optouse por unha proposta innovadora: levalo a cabo nunha galería comercial, algo que, aínda que parece lóxico noutros lugares, non é habitual en Lugo.
Un total de 15 locais participarán nesta primeira proba piloto do Outlet, abrindo as súas portas en horario continuado de 11.00 a 20.00 horas os dous días.
Esta iniciativa ofrecerá produtos de primeira calidade a prezos imbatibles de fin de tempada, brindando aos clientes unha excelente oportunidade para renovar o seu armario e aproveitar descontos especiais.
Desde a Asociación Lugo Monumental agradécese a colaboración da Comunidade de Propietarios das Galerías Villamor, cuxa colaboración foi esencial para poder albergar este evento. Espérase que a actividade tamén contribuía a dinamizar os comercios situados neste espazo comercial, atraendo a máis clientes e potenciando o comercio local.
Con esta proposta, Lugo Monumental continúa traballando para impulsar a economía da cidade e ofrecer novas alternativas de compra aos lugueses e visitantes.