Lugo...Non perdas o tren pon en valor a Ponte da Chanca no ecuador dos 150 anos da súa construción
![ponte da chanca lugo](https://lugoxa.com/wp-content/uploads/2022/03/ponte-da-chanca-lugo.jpg)
A Plataforma cidadá Lugo...Non perdas o Tren anuncia novas actividades dentro das súas campañas de promoción dos servizos ferroviarios en Lugo e a súa provincia.
A súa primeira actuación vai encamiñada a resaltar de novo o viaduto da Ponte da Chanca, ao atoparse no ecuador dos 150 anos da súa construción 1871-1875, para o que expoñen solicitar a Correos, a edición dun selo conmemorativo de tal efeméride, para o que están a realizar xa os trámites requiridos. Esta obra, está considerada como unha mostra notable da enxeñería da época na liña do Noroeste e está considerada a terceira infraestrutura ferroviaria de España. Foron autor do proxecto Antonio Mesa Arroquia e enxeñeiro de obra Ángel García do Hoyo pertencente ao grupo de Camiños, Canles e Portos.
A plataforma Lugo… non perdas o tren, está levando a cabo unha nova campaña de adhesión de novos colectivos que favorezan a súa posición e forza na reivindicación dunha mellora ao máis alto nivel de todas as infraestruturas de Lugo e a súa provincia a nivel ferroviario. Para acadar este obxectivo queren contar con todos os Concellos da provincia e todos os grupos sociais. Inicialmente son membros a Deputación e o Concello de Lugo e máis de 30 concellos da provincia, así como Sindicatos, grupos sociais e máis de 300 asociacións de veciños, tanto no transporte de pasaxeiros (con máis e mellores servizos cos futuros trens Avlo, Ouigo, Iryo entre outros) como no Transporte de Mercadorías por Lugo e que deben de formar parte do Corredor Atlántico previsto, con trens de ata 750 metros de longo e cun eficaz servizo ao paso pola terminal ferroviaria de mercadorías de Lugo e en Monforte de Lemos.
Están en fase de redacción dun novo manifesto reivindicativo, que recolla as propostas dos diferentes partidos políticos que mantiveron xa reunións coa Plataforma, Partido Popular de Lugo, Partido Socialista Obreiro Español, Cidadáns e o propio Concello de Lugo. Este manifesto, será enviado a todos os Concellos da provincia de Lugo para solicitar o apoio dos que aínda non están integrados e despois lido nun acto público que terá lugar na praza da Estación de Lugo con probabilidade a finais do mes de abril.
Para o 7 de maio, a Plataforma Lugo… non perdas o tren, vinculada á Federación Provincial de Asociacións de veciños de Lugo “ Lucus Augusti” anunciou unha camiñada conmemorativa dese 150 aniversario da Ponte da Chanca con saída do edificio de servizos da Cruz Vermella situado no cruzamento do Paseo do Intre e a estrada da Fonsagrada, ata os pés do devandito monumento, todos os participantes recibirán unha camiseta e insignias conmemorativas desta celebración tan emblemática para Lugo.