Lugo será unha das Cidades Talento 2023

LugoXa
Lugo foi escollido como Cidade Talento 2023 e acollerá a segunda edición desta xira que quere impulsar e conectar o talento novo do país.
Tour talento
9 Nov 2022

Lugo foi escollido como Ciudade Talento 2023 e acollerá xunto a Zaragoza, Valladolid, Córdoba e Girona, entre febreiro e xuño do ano que vén, a segunda edición desta xira que persegue impulsar e conectar o talento novo do país.

A Fundación Princesa de Girona deu a coñecer a última parada do Tour do Talento 2023 que recaeu en Lugo e, ademais, desvelou as datas nas que terá lugar o evento que serán entre o 2 e o 7 de maio.

Estas localidades foron elixidas como Cidades Talento 2023 nas que se organizarán actividades de todo tipo e formato co obxectivo de conectar, activar e potenciar aquilo que fai única a cada persoa: o seu talento. Cada parada do Tour, ademais, acollerá a reunión dun xurado de expertos e a posterior proclamación dos gañadores dos Premios da Fundación na edición 2023. A categoría Artes e Letras anunciarase en Córdoba; a de Empresa, en Valladolid. O Premio Social proclamarase en Zaragoza, o de Investigación Científica en Lugo e, finalmente, a categoría Internacional, en Girona.

As inscricións ao Tour do Talento xa están abertas na web oficial e as persoas interesadas poden apuntarse aquí para reservar as datas e garantirse unha praza. A Fundación traballa actualmente, co apoio das administracións públicas de cada cidade, na elaboración dunha axenda de contidos específica segundo a temática de cada cidade e con propostas rompedoras para todo tipo de mozos, que conformarán o programa oficial e que se darán a coñecer no principio do ano.

O Circuíto do Talento é unha xira que percorre diferentes comunidades autónomas e cidades propoñendo unha axenda de eventos e talleres sobre temas de máxima actualidade centrados na mellora da empregabilidade e o desenvolvemento profesional, competencial e persoal dos mozos, en formatos disruptivos e innovadores, e fomentando a participación e o networking.

Para Lara Méndez é "unha satisfacción porque Lugo siga destacando no conxunto de todo o país,  fronte a outros concellos, tamén no eido do apoio e atención á xuventude. Neste caso fomos seleccionados como unha das poucas cidades referentes dentro Tour do Talento o que demostra que os pasos que estamos a dar dende o Goberno Local xa non é que resulten acertados, senón que son tamén inspiradores para outros territorios".
"Unha estratexia que se basea no ofrecemento dun lecer alternativo, saudable, nunha variada proposta de accións formativas, para que ese ocio poida chegar a converterse nunha saída de futuro a nivel profesional, que pula por fomentar o emprendemento, pero tamén por captar o investimento de empresas cun alto valor engadido, a través da Estratexia Lugo Transforma, que sirvan para reter todo o talento que temos. E todo isto, nun proceso no que a mocidade lucense é voz activa... dende as propias iniciativas lúdicas para que axuden a construír os espazos urbanos comúns, pero tamén a través do Consello da Mocidade da Axenda Urbana no que os rapaces e rapazas deben ser protagonistas no deseño do Lugo do futuro" engadiu a alcaldesa.

0.16434502601624